സൗദി അറേബ്യയിൽ മാർച്ച് 11 വരെ പൊടിക്കാറ്റ്, ഇടിമിന്നൽ, ആലിപ്പഴ വർഷം എന്നിവയ്ക്ക് സാധ്യതയെന്ന് മുന്നറിയിപ്പ്.വ്യാഴം മുതൽ ശനി വരെ രാജ്യത്തെ വിവിധ പ്രവിശ്യകളിൽ കാലാവസ്ഥാ വ്യതിയാനം ഉണ്ടാകും.

ബുറൈദ, ഉനൈസ, അൽറാസ്, അൽഖാസിം മേഖലകളിൽ ഇടിമിന്നലിന് സാധ്യതയുണ്ട്. ചിലയിടങ്ങളിൽ കനത്ത ഇടിമിന്നലുണ്ടാകുമെന്നും കലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി.

ഹായിൽ, ബഖാഅ്, അൽ ഗസാല, അൽ ശനാൽ, കിഴക്കൻ പ്രവിശ്യയിലെ ഹഫ്ർ അൽബാതിൻ, അൽഖൈസുമ, അൽ നൈരിയ എന്നിവിടങ്ങളിൽ ആലിപ്പഴ വർഷത്തിന് സാധ്യതയുണ്ട്.

റിയാദ് പ്രവിശ്യയിലെ അഫീഫ്, അൽ ദവാദ്മി, ഷഖ്‌റ, അൽമജ്മ, അൽ സുൾഫി, അൽഖാത് മണൽകാറ്റ്, ഇടിമിന്നൽ എന്നിവക്ക് പുറമെ പേമാരിക്കും സാധ്യതയുണ്ട്.